Vazhdon përkrahja për sektorin pyjor
13.05.2015Prishtinë, 14 maj 2015 - Zëvendësministri i Bujqësisë, Pylltarisë dhe Zhvillimit Rural, Vezir Januzi së bashku me kryeshefin e Agjencionit Pyjor të Kosovës, Ahmet Zejnullahu, kanë vizituar sot komunën e Novobërdës dhe Kamenicës, me ç’rast ata janë njoftuar për së afërmi me gjendjen në sektorin e bujqësisë dhe pylltarisë në këto komuna.
Me këtë rast ata janë takuar me udhëheqësit e këtyre komunave, me të cilët kanë vizituar për së afërmi punën që po bëhet në pyllëzimin e sipërfaqeve të zhveshura pyjore në këto komuna.
Zëvendësministri Januzi, tha se për sektorin e pylltarisë nuk do të mungojë përkrahja institucionale dhe në të ardhmen parashohin të realizojnë projekte të ndryshme, në mënyrë që ky sektor të zhvillohet dhe fuqizohet edhe më tej.