MINISTRIA E BUJQËSISË
PYLLTARISË DHE ZHVILLIMIT RURAL

Prodhuesit vendor të kënaqur me prezantimin në panairin Green Week

21.01.2016

Agrobizneset kosovare, të cilat po marrin pjesë në Panairin Ndërkombëtar “International Green Week”, në Berlin, po e shohin si njërën ndër ngjarjet më të rëndësishme për promovimin e prodhimeve të tyre.

Përfaqësuesit e këtyre agrobizneseve, thonë se gjatë këtij panairi, kanë arritur që krahas promovimit të prodhimeve të tyre bujqësore, të krijojnë edhe kontakte dhe lidhje të reja me kompani të huaja.

Po ashtu, sipas tyre, zgjerimi dhe modernizimi i agrobizneseve kosovare gjatë viteve të fundit, ka ndikuar që prodhimet e tyre të jenë edhe konkurrente me shumë prodhime të huaja, gjë që sipas tyre tashmë është dëshmuar edhe në këtë panair.

Alban Ibrahimi nga Frutomania, thotë se në këtë panair përveç që është e rëndësishme për kompanitë pjesëmarrëse, është mundësi e mirë edhe për vet shtetin që të prezantojë potencialet dhe prodhimet më të mira.

Ndërsa Fatmir Krasniqi nga kompania Fungo thotë se pjesëmarrja në këtë panair është një nga iniciativat më të mira për promovimin dhe mbështetjen e sektorit privat.

Në anën tjetër, ministri i Bujqësisë, Pylltarisë dhe Zhvillimit Rural, Memli Krasniqi, vlerësoi se agrobizneset pjesëmarrëse në panair, kanë dëshmuar edhe njëherë se prodhimet kosovare tashmë krahas cilësisë po i përmbushin edhe standardet ndërkombëtare.

E përmbushja e këtyre standardeve, sipas Krasniqit, përveç se ka ndikuar që prodhimet vendore të depërtojnë në tregun rajonal e evropian, ka bërë që ato të jenë të pranishme edhe në ngjarjet e tilla, të mëdha si kjo e Berlinit.



  • H
  • M
  • M
  • E
  • P
  • Sh
  • D
    1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31