# mbylle
MBPZHR - Logo SHQIP | ENGLISH | SRPSKI
Qeveria e Kosoves - Logo
  MINISTRIA
 
 
 
 
 
 
 
 
 
 
 
  VIDEO GALERIA
Ballina
Hapet panairi ''Natyra 2013''
E mërkurë, 24.04.2013
Industria prodhuese e drurit, po shënon rritje të vazhdueshme. Në këtë rritje, po ndikon në masë të madhe edhe zhvillimi i tregjeve të drurit dhe përmirësimi i aftësive konkurruese të kompanive vendore. Kështu është shprehur ministri i MBPZHR-së, Blerand Stavileci në hapjen e panairit të përpunuesve të drurit, mobilerisë dhe makinerisë për përpunimin e drurit "Natyra 2013", në të cilin po marrin pjesë kompani të ndryshme nga Kosova dhe Shqipëria.

Ministri Stavileci, theksoi se politikat e Ministrisë së Bujqësisë, Pylltarisë dhe Zhvillimit Rural mbështeten në përkrahje të zhvillimit të industrisë konkurruese të drurit, e cila është e aftë për të përfituar nga përpunimi primar dhe për të kontribuar në krijimin e një tregu stabil të drurit për rreth 1400 kompani që janë pjesë e industrisë përpunuese të drurit në Kosovë. "Sektori privat përfshin pronarë të rreth 40 për qind të të gjitha tokave pyjore dhe si Qeveri jemi munduar të nxisim edhe krijimin e shoqatave që përfaqësojnë interesat e grupeve të ndryshme dhe të krijojmë një mjedis të favorshëm për biznes", tha ministri Stavileci.
Ndërsa, ministri i MZHE-së, Besim Beqaj, prodhuesve të këtij sektori u premtoi mbështetje të mëtutjeshme për forcimin dhe rritjen e këtyre ndërmarrjeve përmes ofrimit të ligjeve dhe infrastrukturës përcjellëse.
Në anën tjetër, përfaqësuesit e shoqatave të përpunuesve të drurit të Kosovës dhe Shqipërisë, kanë vlerësuar se panairet e tilla po ndikojnë shumë në forcimin e bashkëpunimit në industrinë e drurit në të dyja vendet.
Kryetari i Shoqatës së Përpunuesve të Drurit të Shqipërisë, Dashamir Biqaku, tha se përmes këtij panairi synojnë promovimin e produkteve të tyre në tregun kosovar. "Ndërmarrjet tona janë të gatshme për bashkëpunim në këtë sektor dhe ne nëpërmjet angazhimeve tona besojmë se do të arrijmë rezultate të kënaqshme. Shpresojmë se ky panair do të jetë shtytës për një rritje të kësaj industrie në të dyja vendet tona", tha kryetari Biqaku.
Ndërsa, kryetari i Shoqatës së Përpunuesve të Drurit të Kosovës, Hashim Deshishku, tha se nga viti në vit po ngritet kualiteti i prodhuesve të këtij sektori, si në Kosovë, ashtu edhe në Shqipëri.
Ndryshe, në panairin "Natyra 2013", i cili do të jetë i hapur deri më 27 prill, po marrin pjesë rreth 60 kompani nga Kosova, Shqipëria dhe Italia.

<< Kthehu prapa

  LAJME
E premte, 19.12.2014
E hënë, 15.12.2014
E enjte, 12.06.2014
  Më shumë lajme  
Webmail  |  Set as Homepage  |  Autorët  |  RSS
Adresa: Rr. Nëna Terezë, 10000 Prishtinë, Republika e Kosovës
Tel: 038 211 821
Të gjitha të drejtat e rezervuara © 2010 Ministria e Bujqësisë, Pylltarisë dhe Zhvillimit Rural